IKIGO GIKORA AMATELEPHONE CYA OPPO CYASHIYZE HANZE UBWOKO BWA AMADARUBINDI AZAFASHA ABANTU GUKORA NKA TELEPROMPTER

Yanditswe na NIYONZIMA Fabrice

Teleprompter, wavuga ko ari nka écran yifashishwa mu gusoma inyandiko runaka, akenshi ikunze gukoreshwa n’abanyamakuru. Ni écran iba ifatanye na camera, ku buryo nk’umunyamakuru uri kuri televiziyo, ayirebamo agasoma nk’amakuru.

Company y' abashinwa imaze kumenyerwa mu gukora ibikoresho by’ikoranabuhanga yitwa OPPO, yamuritse amadarubindi yiswe ‘Air Glass 3’, akoresha ikoranabuhanga ry’ubwenge bw’ubukorano ‘AI’, afite ubushobozi bwo gukora nka teleprompter.

Aya madarubindi ashobora guhuzwa na telefoni za OPPO zifite guhera kuri Operating System ya Color OS 13 kuzamura, maze agakoresha ikoranabuhanga ryazo rya AI, ryitwa AndesGPT, ku buryo yashobora kugaragaza inyandiko, amafoto, amashusho n’amajwi,ndetse bikaba biteganyijwe ko uko azarushaho kugenda avugururwa azahabwa n’uburyo bwo kugenzura ubuzima bwiza bw’uyambaye.